ഉദ്യാനത്തില്‍-
'കറുത്ത പക്ഷിപ്പാട്ടുകള്‍'!
യൌവ്വനം പ്രണയമറിയാതെ-
പുഷ്പിക്കുന്നു,
പിറ്റെന്നാള്‍,
മാസമുറപോലുമറിയാതവള്‍-
പിഴുതെടുക്കപ്പെട്ടിരിക്കുന്നു!
'ഡാലിയ' പുഷ്പങ്ങളുടെ-
ചൊടികള്‍ ചുവക്കും മുന്‍പേ-
'ഹോര്‍മോണ്‍' ല്‍ പഴുപ്പിചെടുത്തിരിക്കുന്നു!
വില കൂടിയ 'ഓര്‍ക്കിഡ്' കളുടെ,
തിരക്കില്‍-
മേനിയഴകും, മണവും, നിറവുമില്ലാതെ-
മുല്ലയും, മന്ദാരവും!
റീത്തും പൂച്ചെണ്ടും-
പോലുമാകാനാവാത്തവര്‍!
മോഹമറിയാത്തിവരുടെ,
ചിതലരിച്ച ചിത്രങ്ങള്‍ കണ്ടു-
അയാള്‍ പ്രണയാതുരനായിരിക്കുന്നു !
എന്നിട്ടെപ്പോഴോ-
ആരെയോ തിരഞ്ഞുകൊണ്ട്‌,
ഭ്രാന്തമായി കൊതിതീരാ-
ചിതക്ക്‌, അല്ല ഉദ്യാനത്തിന്-
ചുറ്റുവട്ടം വയ്ക്കുന്നയാള്‍!!
