കടുമാങ്ങ

കടം കിട്ടിയ അക്ഷരങ്ങള്‍-

വാക്കുകളാക്കി-

കല്‍ഭരണിയില്‍,

കടുമാങ്ങ അചാറുപോലെ,

ഒന്നുമില്ലാത്തപ്പോള്‍ തൊട്ടുകൂട്ടാന്‍!

റോസാപ്പൂവിന്റെ-

ദളങ്ങള്‍ കൊഴിയുമ്പോള്‍,

കാറ്റ് നൊമ്പരപ്പെടുന്നു!

പ്രണയിക്കുന്നവന്റെ വാക്കും അങ്ങനെ തന്നെ!

ജീവിതം മറവി തന്നത്-

ഒരിക്കല്‍ ജീവിതത്തെ തന്നെ മറക്കാന്‍!

കഴലുകള്‍ വ്യഥയറിയുമ്പോള്‍-

ഒത്തിരി നടന്നുവെന്ന് തോന്നും,

പക്ഷെ എങ്ങും എത്തിയില്ലാ എന്നതാണ് ദുഃഖം!

തൊടിയിലെ മുല്ലപ്പൂവാണ്- 

ജീവിതം!

ചന്തയില്‍ കൂടിയ വിലക്ക് വില്‍ക്കുന്ന-

"ജാസ്മിന്‍ സെന്‍റ്" നെ 

ആരോ പ്രണയം എന്ന് വിളിക്കുന്നു...