ചോറ്റുപാത്രം, കുട, ബാഗ്‌
ഇന്‍സ്ട്രുമെന്റ് ബോക്സ്‌, മഷി നിറച്ച പേന-
പിന്നെ ബസ്‌ കൂലി!
ക്ലാസ്ടീച്ചര്‍ സ്നേഹമുള്ള ടീച്ചര്‍ ആയിരിക്കണേ,
കൂട്ടുകാര്‍ കുശുംബരാകരുതെ,
അടിയും ഇമ്പോസിഷനും വേണ്ട!
"മോനെ കപ്പേളയില്‍ നേര്ച്ച ഇട്ടിട്ടു പോടാ"........അപ്പച്ചന്‍
"മോനെ ചോറിനു ചമ്മന്തിയാണ് കേട്ടോ, നാളെ നല്ല
കറിയുണ്ടാക്കാം"......അമ്മ
അമ്മേ ബെല്‍റ്റ്‌ പൊട്ടി പോകുന്നു........
"ചേട്ടായിയുടെ ബെല്‍റ്റ്‌ കെട്ടി പോ"
ശേ ഈ കുടയില്‍ നിറച്ചു ഉറുമ്പ് കേറി.....
അവള് പഞ്ചാര കട്ട് തിന്നപ്പോ വീണതാ.
"ഈ കഞ്ഞി വെക്കെന്നു കോരികുടിച്ചിട്ടു പോ``
അപ്പച്ചാ ബുക്ക്‌ മേടിക്കാന്‍ പൈസ........
അമ്മച്ചി യുണിഫോം അലക്കി വക്കണേ.....
ഇല്ലത്തെ പെണ്ണ് കൂടെ വരുന്നുണ്ടോ അമ്മെ?
"അവളെ കാക്കണ്ട, അവളച്ചന്റെ സ്കൂടരില്‍ പോകുവാ"
"വല്ല്യ മഴ വരും മുന്‍പേ ന്റെ മോന്‍ പൊയ്ക്കോ"..........
ഞാന്‍ ഇന്ന് യുനിവേര്സിടിയില്‍ പോവാ,
എന്റെ ചോറ്റുപാത്രവും, കുടയും, ഒന്നും കാണുന്നില്ല,.....നിങ്ങളെയും!
വെറുതെ കരച്ചില്‍ വരുന്നു.........വലുതായിട്ടും!
ജേഷ്ടന്റെ കുഞ്ഞുമോള്‍ ചോദിച്ചത്-
"അപ്പായിക്ക് പനി വന്നിരുന്നോ?"
ന്താ അങ്ങനെ.. "അല്ല എനിക്ക് പനി വന്നിരുന്നു!"
അമ്മ ഇപ്പോള്‍ കരയുവാണോ?
"ന്താ അങ്ങനെ"....അല്ല എനിക്ക് കരച്ചില്‍......വരുന്നു!.
നന്നായിരിക്കുന്നു. ആദ്യഭാഗങ്ങൾ മനോഹരമാണ്.
ReplyDelete