തെരുവില്‍ പട്ടിണികുട്ടികള്‍ കല്ലെറിയുന്നു,
പട്ടിയെ, അവരുടെ അന്നം കട്ട കശ്മലനെ!
ഞാനും കല്ലെറിയുന്നാ പട്ടിയെ,
വൃത്തികെട്ട ജെന്തു പുഴുവരിക്കും തെരുവ് മൃഗം!
എനിക്ക് പിറകെ മനസ്സിന്‍ താളം തെറ്റിയോരുവന്‍
ചീറി അടുക്കുന്നുവെന്നെ കല്ലെറിയുന്നു-
ഞാന്‍ കല്ലെറിയുന്നതവന്റെ പട്ടിയെ!
ക്രിസ്തു ചോദിക്കുന്നു, " ആരും നിന്നെ കല്ലെറിഞ്ഞില്ലേ?"
ഉണ്ടെന്നു ഞാന്‍- "ഒരു ഭ്രാന്തന്‍!"
ക്രിസ്തു മണ്ണിലെഴുതി, "ഞാനത് ശരി വയ്ക്കുന്നു,
ഇനി മേലില്‍ അപ്പം കക്കരുത്, പൊയ്ക്കൊള്ളുക!"
No comments:
Post a Comment