നിങ്ങള്‍ വിശപ്പുകാര്‍!
ഞങ്ങള്‍ വിഷാദക്കാര്‍!
നിങ്ങള്‍ വിരഹത്തിന്റെ വെവരിയുന്നവര്‍,
ഞങ്ങള്‍ ഭയക്കുന്നവര്‍, അടുക്കും മുന്‍പേ അകലാന്‍ പഠിച്ചവര്‍!
നിങ്ങള്‍ തീയില്‍ കുരുത്തവര്‍,
ഞങ്ങള്‍ മഞ്ഞില്‍ മുളച്ചത്.
നിങ്ങള്‍ സ്വന്തമാക്കുന്നവര്‍,
ഞങ്ങള്‍ ഞങ്ങളെ മതിയെന്ന് ശഠിക്കുവോര്‍!
നിങ്ങള്‍ പ്രാര്‍ത്ഥനകാര്‍,
ഞങ്ങള്‍ ബുദ്ധിഉള്ളോര്‍!
നിങ്ങള്‍ ആണും പെണ്ണും,
ഞങ്ങള്‍ ആണും, പെണ്ണും, ആണ്‍പെണ്ണും,
ആണ്‍ആണും, പെണ്‍പെണ്ണും!
ഞാനപ്പോള്‍ ആരാണ്?
വിശപ്പും, വിഷാദവും, വിയര്‍പ്പും, വിരഹവും, വേവും
ഉടലിന്റെ വിളിയും മറന്നു മഞ്ഞില്‍
ഉറഞ്ഞു പോയത്!
ഉറയാത്ത ഇറ്റു കണ്ണ് നീര്‍ എന്റെ ഡി എന്‍ എ !
No comments:
Post a Comment