ചെറുത്തുനില്പ്

പൊക്കിള്‍ മറയ്ക്കാത്തതിനു-

അവളെ അമ്മ തല്ലി.

മറയ്ക്കാത്ത പൊക്കിളുമായി-

ഞാന്‍ ആണായി!

അവള്‍ അര പാവാടയിട്ടപ്പോള്‍ ,

അടി നിവര്‍ത്തി നീളം കൂട്ടുവാന്‍--

അമ്മ.

അവിടെയും-

കൊച്ചു നിക്കറിട്ടു-

ഞാന്‍ ആണായി!

'മാമാട്ടിയായി' തലമുടി-

മുറിച്ചതിനു,

അവളെ വീണ്ടും തല്ലി!

തലമുടി വെട്ടാത എനിക്കും-

കിട്ടി തല്ല്!

വിശന്നപ്പോള്‍,

അവള്‍ക്കടുക്കളയില്‍,

എനിക്ക് മേശയില്‍!!!.

അവള്‍ കരയുന്നില്ല!

ഞാന്‍ ചിരിക്കുമ്പോള്‍-

'പോടാ' എന്ന് കൊഞ്ഞനം കുത്തും!

ഇന്നും അവള്‍ 

ചെറുത്തുനില്പ്  തുടരുന്നു........!