പച്ച വിരിയിട്ട-
മെത്തമേലവള്‍ വീണ്ടും-
പട്ടുറുമാല്മായെത്തി!
ചൊല്ലി തത്തമ്മേ പൂച്ച പൂച്ച!
അവളോ,
മയക്കിക്കിടത്തി-
കണ്ണിറുക്കി ചുണ്ടിറുക്കി-
പച്ചയാത്മാവില്‍,
ഹരിതവിപ്ലവം കുറിക്കുന്നവള്‍!
നീ വന്ന കാറ്റിനെ കാട്ടൂ-
കടം തീര്‍ക്കുവാനുണ്ട്!
ചോട്ടിലെ ചേറ്റില്‍-
നീയുമൂര്‍ന്നിറങ്ങൂ,
നമുക്കൊരു സ്നാനം-
തീര്‍ക്കുവാനുണ്ട്!
ആടിയുമുലഞ്ഞും-
ഒരു സ്വര്‍ണ്ണപാടം കൊയ്യുവാനുണ്ട്!
അവള്‍ ചൊല്ലി,
തത്തമ്മേ പൂച്ച പൂച്ച!
നീ,
എന്റെ ആത്മാവിലൊഴുകും-
രക്തവും വെട്ടവും!
മാറാവ്യാധിയില്‍ മരുന്നും,
കൊടും കാറ്റില്‍ തൂണും,
ഞാനെനിക്ക് നിറച്ചു-
വിളമ്പുന്നത്താഴത്തില്‍-
സ്നേഹം വിളമ്പും വിരുന്നുകാരിയും!
നിന്റെ ഓര്‍മ്മ-
പച്ചകുത്തി കിടക്കു-
മെക്കാലവുമീ മനുഷ്യന്റെ മാറില്‍!
നീ തൊട്ടതെല്ലാം പച്ചയാക്കും-
പച്ച പനംതത്ത!
തത്തമ്മേ പൂച്ച പൂച്ച!
വിളമ്പുന്നത്താഴത്തില്‍-
ReplyDeleteസ്നേഹം വിളമ്പും വിരുന്നുകാരിയും!കവിത നന്നായിട്ടുണ്ട്