തികട്ടി വരുന്ന 'റിയാലിറ്റി ഷോ'!
നമ്മള്‍ നൃത്തചുവടുകള്‍ പങ്കുവച്ചത്,
കാലത്തോട് പകവീട്ടല്‍ പോലെ-
നീ ഒരിക്കല്‍കൂടി ചിരിക്കാന്‍ ശ്രമിച്ചത്,
വിധിയെ വിസ്മരിക്കാന്‍-
നെറ്റിയിലെ സിന്ദൂരം മായിച്ചു,
വീണ്ടും കണ്ണെഴുതി വാലിട്ടു-
ചുവന്ന ചുംബനം ചൊടികള്‍ക്കേകിയത് !
എല്ലാം തകര്‍ത്ത് -
അവര്‍ വിധിവാചകം ചൊല്ലിയപ്പോള്‍,
നീ നിര്‍വികാരയായി.......
ജീവിതം നിറം പിടിപ്പിക്കാനുള്ള
ഇത്തിരി ആശ ആര് കണ്ടു?!
ചായം തേച്ച കുറെ
ആട്ടക്കരെയാണ് അവര്‍ക്ക് വേണ്ടത്.
പത്തൊന്‍പതാം വയസ്സില്‍-
വിധവയാകുന്നത്
'റിയാലിറ്റി ഷോയില്‍' ഇല്ലല്ലോ!
നിന്നോടിപ്പോള്‍ തോന്നുന്ന പ്രണയം-
വിധിയെ വെല്ലുവിളിക്കുന്ന-
ഒരു ആണിന്റെ-
ചങ്കുറപ്പോ......?,
ഉടലിന്റെ ദാഹമോ.........?
എന്റെ സങ്കടം നീ തീര്‍ത്തുതന്നത്......
'എന്റെ കുഞ്ഞില്‍-
എല്ലാ പ്രണയവും നൃത്തവും-
എപ്പോഴോ ഞാന്‍ ഒളിപ്പിച്ചു വച്ചു കഴിഞ്ഞു...!'
എന്ന വേദനിപ്പിക്കുന്ന കുസൃതി ചിരിയില്‍!
നല്ല കവിത
ReplyDeleteഅവസാന വരികൾ നല്ലതാണ്. പക്ഷേ കാവ്യഭംഗി അല്പം കുറഞ്ഞു പോയോ എന്നു തോന്നി.. സ്നേഹത്തോടെ.
ReplyDelete